yuxarıya
Onlayn Ödəmə
Rusiya "İŞID" və "Müsəlman qardaşları"nı terrorçu təşkilat kimi tanıyıb
28.02.2015 02:32   4 dəqiqə əvvəl
A A
Moskva. Fərid Əkbərov - APA. Rusiya Federal Təhlükəsizlik Xidməti (FTX) "İslam Dövləti"ni (İŞID) və "Müsəlman qardaşları"nı terrorçu təşkilat kimi tanıyıb.

APA-nın Moskva müxbirinin verdiyi məlumata görə, bu barədə FTX-nin rəsmi internet səhifəsində məlumat yer alıb. FTX-nin saytında yer alan məlumatda siyahıya əlavə olunan 20-dən çox təşkilatın Rusiyada terrorçu kimi tanındığı qeyd olunub.

"Təşkilatların vahid federal siyahısına Rusiya Federasiyası qanunvericiliyinə uyğun olaraq terrorçu kimi tanınan 22 təşkilat əlavə olunur, o cümlədən "İslam dövlət" (İŞID), "İmarət Qafqaz" və "Müsəlman qardaşları" təşkilatları" -deyə məlumatda bildirilib.
Hörmətli İstifadəçi, nəzərinizə çatdırmaq istəyirik ki, saytdakı bütün xəbərlər proqram təminatı tərəfindən avtomatik şəkildə digər resurslardan sistemə daxil edilir, buna görə, xəbərlərin saytda dərc olunmasında və ya mətnlərinin qiymətləndirilməsində heç bir insan faktoru iştirak etmir, əgər bu xəbəri hüquq/qanun pozuntusu, qeyri-etik və ya yanlış kimi qiymətləndirirsinizsə, xahiş edirik, bizi bu barədə məlumatlandırın
Aktual xəbərlər
Ən çox oxunan xəbərlər
  • Azərbaycan XİN: Minsk qrupunun formatında dəyişikliyə ehtiyac yoxdur
    27.02.2015 13:34
    Azərbaycan, Bakı, 27 fevral /Trend, müxbir Səba Aağayeva/Türkiyə və Almaniyanın ATƏT-in Ermənistan-Azərbaycan, Dağlıq Qarabağ münaqişəsinin nizamlanması üzrə vasitəçilik missiyasına cəlb edilməsi məsələsi gündəlikdə yoxdur. Trend-in məlumatına görə, bunu Azərbayc...
  • Bu ölkədə göydən dollar yağdı
    27.02.2015 18:57
    Deyerler.org: Birləşmiş Ərəb Əmirliklərinin əsas ticarət şəhərlərindən biri olan Dubayda göydələnin pəncərələrindən birindən 1 milyon dollar pul düşüb.Pəncərədən külli miqdarda pulun düşməsi turistlərin feyziyab olmasına səbəb olub. Hal-hazırda kimin hansı mə...
  • Bütün ölkə bu qadından danışır
    27.02.2015 19:44
    Koreyada bir qadın plastik cərrahiyyənin nələrə qadir olduğunu sübut edib.ANS PRESS-in məlumatına görə, 29 yaşlı Muun Sun Yanq öz xarici görünüşündən narazı olub. Koreyalı qadın böyük və dairəvi gözlərin daha gözəl olduğuna inandığı üçün plastik əməliyyat etd...
  • İsrail alimləri Azərbaycan alimlərinin təcrübəsindən istifadə edirlər
    27.02.2015 17:32
    Azərbaycan, Bakı, 27 fevral /Trend, müxbir İlhamə İsabalayeva/İsrail alimləri karbohidrogen axtarışı zamanı Azərbaycan alimlərinin təcrübəsindən də istifadə edirlər.Azərbaycan Milli Elmlər Akademiyasının (AMEA) Rəyasət Heyəti aparatının İctimaiyyətlə əlaqələr və ...
  • Bakıda avtomobillər üçün bəzi parklanma yerləri ləğv edilib
    27.02.2015 16:57
    Azərbaycan, Bakı, 27 fevral /Trend, müxbir İlkin İzzət/Daxili İşlər Nazirliyi Respublika Baş Dövlət Yol Polisi İdarəsinin (BDYPİ) təklifi ilə paytaxtda bir neçə yerüstü pullu parklanma yerləri ləğv edilib, orada quraşdırılan parkomatlar çıxarılaraq yerləri dəyişdiril...
  • Türkiyədən qəribə addım - türbənpartladıldı
    27.02.2015 15:10
    Türkiyənin Süleyman Şah türbəsini partlatmasını əks etdirən görüntülər yayılıb.Axar.az xəbər verir ki, "Şah Fırat" adlandırılan əməliyyat zamanı Türkiyə rəhbərliyi türbəni İŞİD-in əlinə keçməməsi üçün partladıb.Qeyd edək ki, fevralın 22-də Türkiyə Sül...
  • 435 əcnəbinin adı arzuolunmaz şəxslər siyahısına salınıb
    27.02.2015 13:21
    "Hazırda Azərbaycan Respublikası Xarici İşlər Nazirliyinin arzuolunmaz şəxslər siyahısında 435 nəfər əcnəbinin adı var". SİA-nın məlumatına görə, bu barədə Azərbaycan Xarici İşlər Nazirliyinin mətbuat xidmətinin rəhbəri Hikmət Hacıyev keçirdiyi brifinqdə məlumat ...
  • Ombudsman güzəştli ipoteka kreditlərində ilkin məbləğin ləğv edilməsini təklif edib
    27.02.2015 11:42
    Azərbaycanın İnsan Hüquqları üzrə Müvəkkili (Ombudsman) güzəştli ipoteka kreditinin maksimal məbləğinin mənzil bazarının real tələbinə uyğun artırılmasını təklif edir. Ombudsmanın 2014-cü il üçün illik hesabatında vurğulanıb ki, gənc ailələr tərəfindən ödən...
  • ŞOK! Tanınmış aktyorun orqanlarını çıxardılar
    27.02.2015 10:46
    30 yaşlı aktyor Dmitri Nikolayev orqan mafiyasının qurbanı olub.Lent.az-ınaxşam.az-a istinadən verdiyi xəbərə görə, Yelena adlı qadınla birgecəlik əyləncə üçün tanış olan aktyorun başına gözləmədiyi işlər gəlib. Yelenayla birlikdə saunaya yollanan Dmitri daha sonra h...
  • Türkiyədə müxalifət partiyasından seksual namizəd
    27.02.2015 07:35
    Türkiyədə bu il iyunun 7-də keçiriləcək parlament seçkisində iştirak edən namizədlər arasında təəccübləndirici adlar daha da çoxalır.ANS PRESS-in məlumatına görə, ətən həftənin çərşənbə axşamı günündən etibarən başlayan və martın 1-də yekunlaşdırılması ...
XƏBƏR LENTİ
  • Rusiya "İŞID" və "Müsəlman qardaşları"nı terrorçu təşkilat kimi tanıyıb
    28.02.2015 02:32
    http://apaholding.az/upload/images/photos/apa_logo.png
    http://apaholding.az/upload/images/photos/apa_logo.png
    Moskva. Fərid Əkbərov - APA. Rusiya Federal Təhlükəsizlik Xidməti (FTX) "İslam Dövləti"ni (İŞID) və "Müsəlman qardaşları"nı terrorçu təşkilat kimi tanıyıb.

    APA-nın Moskva müxbirinin verdiyi məlumata görə, bu barədə FTX-nin rəsmi internet səhifəsində məlumat yer alıb. FTX-nin saytında yer alan məlumatda siyahıya əlavə olunan 20-dən çox təşkilatın Rusiyada terrorçu kimi tanındığı qeyd olunub.

    "Təşkilatların vahid federal siyahısına Rusiya Federasiyası qanunvericiliyinə uyğun olaraq terrorçu kimi tanınan 22 təşkilat əlavə olunur, o cümlədən "İslam dövlət" (İŞID), "İmarət Qafqaz" və "Müsəlman qardaşları" təşkilatları" -deyə məlumatda bildirilib.
    2
  • Putinin rəqibi öldürüldü
    28.02.2015 02:26
    http://anspress.com/images/photos/53576.jpg
    http://anspress.com/images/photos/53576.jpg
    Cümə günündən şənbəyə keçən gecə Moskvada prezident Vladimir Putinin ən güclü rəqiblərindən sayılan Boris Nemsov qətlə yetirilib.

    ANS PRESS-in "İnterfaks"a istinadən verdiyi məlumata görə, bu barədə paytaxt Moskvanın hüquq mühafizə orqanları xəbər yayıblar.

    Hüquq mühafizə orqanlarından olan mənbənin bildirdiyinə görə, faciənin səbəbləri hazırda araşdırılır. İlkin məlumatlara görə müxalif siyasətçi Boris Nemsov Moskvanın mərkəzində Vasilyevsk enişində qətlə yetirilib.

    Naməlum killer 55 yaşlı siyasətçiyə 4 güllə vurub. Müxalifətçi yerindəcə keçinib.
    3
  • Azərbaycanlı biznesmenin keçmiş sevgilisinin maşını atəşə tutuldu
    28.02.2015 02:21
    http://anspress.com/images/photos/84823.jpg
    http://anspress.com/images/photos/84823.jpg
    Moskvada balerina Anastasiya Voloçkovanın avtomobili atəşə tutulub.

    ANS PRESS-in məlumatına görə, hadisə beş gün əvvəl baş versə də Anastasiya polisin ona xahişindən sonra diqqətləri cəlb etməməyə qərar verib.

    Hadisə ərəfəsində balerina gecə evə qayıdıb və adəti üzrə öz evinin yanında maşınını park edib.

    Səhər isə 39 yaşlı ulduza maşınının atəş tutulduğu bildirilir. Maşının yanına gələn Anastasiya sərnişin oturacağının yerində şüşələrdə deşiklər aşkar edib. Voloçkova hadisə yerinə polis çağırıb.

    "Mən çox qorxdum. Məni öldürə bilərdilər", - deyə balerina bildirib.

    Polisin bildirdiyinə görə, Voloçkovanın avtomobilinə travmatik silahdan atəş açılıb. Balerina indi həyatı üçün ehtiyat edir və polisdən mümkün qədər cinayətkarları tez tutmağı tələb edib.

    Rusiyalı balerina Anastasiya Voloçkova azərbaycanlı biznesmen Bəxtiyar Səlimovla öz sevgi romanları ilə gündəmdə olub.
    2
  • Rusiyanın tanınmış siyasətçisi Boris Nemtsov qətlə yetirilib
    28.02.2015 02:20
    http://www.azadinform.az/up/news/article/2015/fevral/28/boris_nemsov.jpg
    http://www.azadinform.az/up/news/article/2015/fevral/28/boris_nemsov.jpg
    Rusiyanın tanınmış siyasətçisi, hazırda müxalifət liderlərindən biri olan Boris Nemtsov qətlə yetirilib.Məlumata görə, hadisə bu gün gecə 23:40 radələrində baş verib.

    Moskvanın mərkəzində, küçədə ağ avtomobildən Boris Nemtsova dörd dəfə atəş açıblar. Kürək nahiyyəsindən aldığı yaralardan Boris Nemtsov hadisə yerində keçinib.

    Hazırda Moskva Baş Polis İdarəsinin rəisi və hüquq-mühafizə orqanlarının əmkdaşları hadisə yerindədirlər. (APA)
    2
  • Sumqayıt hadisəsindən 27 il ötür
    28.02.2015 02:16
    http://anspress.com/images/photos/59358.jpg
    http://anspress.com/images/photos/59358.jpg
    Bu gün Sumqayıt hadisələrindən 27 il ötür. 1988-ci ilin fevralın 27-dən 28-nə keçən gecə Sumqayıt şəhərində baş vermiş iğtişaşlar nəticəsində 32 nəfər ölüb. Onlardan 26-sı erməni, 6-sı isə azərbaycanlı olub.

    Nizami Səfərov Sumqayıt hadisələrinin iştirakçısıdır. Dağlıq Qarabağın Ermənistan Silahlı Qüvvələri tərəfindən zəbt edilməsində başlıca zəmin olan Sumqayıt hadisələrinin. Hansı ki, bu hadisədən danışanda çox vaxt səsimizi içimizə qısır, ayıbımızdan danışırıq kimi danışırıq. Əslində isə Sumqayıt hadisələri ermənilərin və SSRİ DTK-sının təşkil etdiyi və başında da elə erməni Eduard Qriqoryanın durduğu və məhz onun dirijorluğu ilə həyata keçirilən təxribat idi. Bu, Sumqayıt hadisələrinin istintaqında sübut olunub və çox maraqlıdır ki, bunu sübuta yetirənlər, aralarında bircə dənə azərbaycanlının olmadığı SSRİ Baş Prokurorluğunun İstintaq qrupunun üzvləri idi. Əvvəlcə Vladimir Kaliniçenko, sonra isə Vladimir Qalkin...

    Sumqayıt hadisələri ilə bağlı məhkəmədə dövlət ittihamçısı Aslan İsmayılov: "Məhz onlar sübut ediblər ki, əsas rolu oynayan Eduard Qriqoryan olub və Qriqoryanın iştirakı ilə bir neçə adam qətlə yetirilib, bir neçə adam zorlanıbdı."

    Zorlananlar Meclumyanın bacıları idi. İstintaq materiallarından məlum olur ki, bacılar Qriqoryanın şəklini tanısalar da, onun erməni olduğunu bilməyiblər. Meclumyanın ifadəsinə görə, Qriqoryan stulun qırılmış ayağı ilə onun xəstə anasına zərbə endirib, onun özünü isə zorlayıb. Azərbaycan Prokurorluğunun dövlət ittihamçısı kimi çıxış edən Aslan İsmayılov deyir ki, məhkəmə prosesi həm SSRİ, həm də Azərbaycan DTK-da işləyən ermənilərin nəzarəti altında keçirilib. Prosesə belə ciddi nəzarət etməkdə məqsəd məhkəmədəki azərbaycanlıların, əslində hər şeyin Qriqoryan tərəfindən təşkil olunduğu ilə bağlı ifadə vermələrinə, eləcə də Qriqoryanın özünün hadisələri olduğu kimi etiraf etməsinə mane olmaq idi. Bəs kim idi, Eduard Qriqoryan?

    Sumqayıt hadisələrinin iştirakçısı, Nizami Səfərov: "5-ci mərtəbədə o olurdu, 7-də biz. Yəni ailəsini-zadı tanıyırdım. Güləşçi idi, karateist idi. Düzdür, qorxurduq ondan. Bir dənə mən dedim ki, belə deyib, elə deyib. Araq paylayıb Edik. Edik də mənə qorxu gəlirdi. Mən heç nədən qorxmayandan sonra işimi azaltdılar".

    Sumqayıt hadisələri ilə bağlı məhkəmədə dövlət ittihamçısı, Aslan İsmayılov: "Eduard Qriqoryana və Vaqif Hüseynov adlı bir azərbaycanlıya güllələnmə cəzası istəmişəm. Amma Azərbaycan məhkəməsi o işi batırmaq üçün Qriqoryana 12 il, başqalarına da cüzi cəzalar və məhkəmənin hökmündən az sonra Qriqoryan respublikadan çıxarıldı".

    Amma buna rəğmən Qriqoryana 12 il iş verilir. Az sonra o, ümumiyyəğlə ölkədən çıxarılır. Digərləri 7-8 il iş alır. Təkcə bir nəfərə güllələnmə kəsilir. 24 yaşlı Əhməd Əhmədova. 1989-cu il noyabrın 18-də SSRİ ali Məhkəməsinin çıxardığı bu hökm 17 ay sonra icra olunur. Əhmədi erməni millətindən olan 7 nəfərin ölümündə təqsirləndirirlər. Ümumilikdə isə Sumqayıt hadisələri zamanı erməni millətindən olan 26 nəfər öldürülür. Martın 1-də Sumqayıtda komendant saatı tətbiq olunur və bu zaman 6 azərbaycanlı öldürülür, 400 nəfər isə yaralanır. Sumqayıt hadisələrinin açdığı ən dərin yara isə Azərbaycan üçün Dağlıq Qarabağ yarası olur.
    3
  • ABŞ kəşfiyyatı: "Qarabağ münaqişəsinin həll perspektivi dumanlıdır..."
    28.02.2015 02:09
    http://deyerler.org/uploads/thumbs/HGX4PUA.jpg
    http://deyerler.org/uploads/thumbs/HGX4PUA.jpg
    Dağlıq Qarabağ münaqişəsinin həll perspektivi dumanlı olaraq qalır. Musavat.com xəbər verir ki, bu barədə ABŞ Milli Kəşfiyyatının direktoru Ceyms Kleper ABŞ Konqresinə beynəlxalq təhdidlər haqda dəyərləndirmə təqdim edərkən bildirib. Sözügedən qurumun saytında belə bir məlumat yerləşdirilib.

     

    "2014-cü ildə erməni-Azərbaycan təmas xəttində gərginliyin artması və rekord sayda ölüm halları ilə yadda qalıb. Zorakılığın belə artımı göstərir ki, qarşı duran qüvvələrin bu dərəcədə bir-birinə yaxın olması özündə yanlış hesablamalar və gözlənilməz gərginliklər riskini daşımaqda davam edir. Yaxın perspektivdə konfliktin həlli dumanlıdır", - deyə o qeyd edib.
    5
  • Rusiya müxalifətinin lideri Boris Nemtsov güllələnərək öldürüldü
    28.02.2015 02:05
    http://deyerler.org/uploads/thumbs/E28741U.jpg
    http://deyerler.org/uploads/thumbs/E28741U.jpg
    Rusiyanın aparıcı müxalifət lideri, siyasətçi Boris Nemtsov öldürülüb. Deyerler.org-un RİA Novosti-yə istinadən verdiyi xəbərə görə, bu barədə məlumatı hüquq mühafizə orqanları da təsdiqləyib.

    Boris Nemtsov Moskvanın mərkəzində öldürülüb. Nemtsov küçə ilə gəzərkən ona ağ rəngli avtomobil yaxınlaşıb və sinə nayihəsindən dörd atəş açılıb. Bundan sonra avtomobil hadisə yerindən uzaqlaşıb. Siyasətçi hadisə yerindəcə keçinib.

    Nemtsovun rəhbərlik etdiyi "RPR-Parnas" partiyasının federal siyasi şurasının üzvü İlya Yaşin Nemtsovun öldürüldüyünü təsdiqləyib. "Mən hazırda bu an qarşımda təəssüflər olsun ki, Nemtsovun meyidini görürəm. Mən meyidi görürəm, ətrafa çoxlu polis toplaşıb", - deyə Yaşin bildirib.

    3
  • Poroşenko Merkelə istəyini açıqladı
    28.02.2015 02:04
    http://deyerler.org/uploads/thumbs/YCGDU65.jpg
    http://deyerler.org/uploads/thumbs/YCGDU65.jpg
    Ukrayna Prezidenti Pyotr Poroşenko Avropadan sülhməramlıların münaqişə bölgəsinə göndərilməsi üçün dəstək gözlədiyini bildirib.

     

    Axar.az xəbər verir ki, Almaniya kansleri Angela Merkellə telefon danışığında Poroşenko öz maraqlarının təmin edilməsində Avropa Birliyinin önəmli rol oynadığını qeyd edib.

     

    Poroşenko Merkelə rəsmi Kiyevin Minsk razılaşmasına əməl etdiyini, ancaq separatçıların atəşi davam etdirdiyini vurğulayıb. Poroşenko həmçinin Ukraynanın şərqinə sülhməramlıların təcili olaraq göndərilməsi istiqamətində iş aparılmasının vacib olduğunu qeyd edib.

     
    5
  • Rusiya "Türk axını" üzrə sazişi tezliklə imzalamaq niyyətindədir
    28.02.2015 01:52
    http://az.apa.az//upload/images/news/2015/february/28/small/dd01c849a5f45799244433398866345a.jpg
    http://az.apa.az//upload/images/news/2015/february/28/small/dd01c849a5f45799244433398866345a.jpg
    Bakı-APA. Rusiya "Türk axını" üzrə hökumətlərarası sazişi 2015-ci ilin ikinci rübündə imzalaya bilər.

    APA-nın TASS-a istinadən verdiyi xəbərə görə, bunu Rusiyanın Energetika naziri Aleksandr Novak bəyan edib.

    Onun sözlərinə görə, "Qazprom" Türkiyə tərəfi ilə yeni qaz kəmərinin marşrutunu artıq razılaşdırıb. "Yeni kəmərin 600 km "Cənub axını"nda nəzərdə tutulmuş marşrut ilə, daha 180 km isə - Yunanıstan sərhədinədək Türkiyənin quru ərazisindən keçəcək", deyə A.Novak bildirib.

    Məlum olduğu kimi, ötən ilin sonunda Rusiya "Cənub axını" qaz kəməri layihəsinin imtina etdiyini bildirmişdi.
    8
  • BDU tələbələri "On/Off" etdi
    28.02.2015 01:50
    http://www.azadinform.az/up/news/article/2015/fevral/28/offon.jpg
    http://www.azadinform.az/up/news/article/2015/fevral/28/offon.jpg
    Bakı Dövlət Universitetinin tələbələri son zamanlar populyarlaşan "On/Off" videosunu çəkib.

    AZADİNFORM xəbər verir ki,BDU Tələbə Həmkarlar İttifaqı Komitəsinin (THİK) təşkilatçılığı ilə hazırlanan videoda universitetin tələbə həyatı əks olunub. Bir-birini əvəzləyən kadrlarda universitetin tələbələri yer alıb. Layihənin hazırlanması BDU tələbələri Rəşid Mustafazadəvə David İbadova aiddir.

    BDU tələbələrinin "On/Off" videoçarxını sizə təqdim edirik:
    6
  • Qarabağ indi həll olunmayacaq
    28.02.2015 01:46
    http://anspress.com/images/photos/70878.jpg
    http://anspress.com/images/photos/70878.jpg
    Dağlıq Qarabağ münaqişəsinin nizamlanması ilə bağlı perspektivlər dumanlı olaraq qalmaqdadır.

    ANS PRESS-in məlumatına görə, bu barədə ABŞ Mərkəzi Kəşfiyyat İdarəsinin direktoru Ceyms Klepper açıqlama verib.

    Onun sözlərinə görə, son vaxtlar cəbhə xəttində artan gərginlik danışıqlar prosesini daha da çətinləşdirib.

    "2014-cü ildə Azərbaycan və Ermənistan qoşunlarının təmas xəttində atəşkəs rejimi pozuldu və gərginlik artdı. Ölənlərin sayı rekord həddə çatdı. Təmas xəttində gərginliyin artması ondan xəbər verir ki, Dağlıq Qarabağ münaqişəsi tezliklə həll olunmayacaq", - deyə Ceyms Klepper bildirib.

    Qeyd edək ki, ötən ildə və bu ilin əvvəllərində erməni kəşfiyyat-təxriabt qrupları Azərbaycan Ordusunun mövqelərinə dəfələrlə hücum ediblər. Lakin düşmən xeyli itki verərək geri çəkilib. Ermənilər ümumilikdə 100-dən çox itki verib.
    6
  • İran və "altılıq" ölkələri arasında növbəti görüş martın 2-də keçiriləcək
    28.02.2015 01:42
    http://az.apa.az//upload/images/news/2015/february/28/small/94a640abe36a175ab7591fad0c449f77.jpg
    http://az.apa.az//upload/images/news/2015/february/28/small/94a640abe36a175ab7591fad0c449f77.jpg
    Bakı-APA. Martın 2-də İsveçrənin Montryo şəhərində İran və "altılıq" ölkələri nümayəndələri arasında ikitərəfli görüş baş tutacaq.

    APA-nın "RİA Novosti" agentliyinə istinadən verdiyi xəbərə görə, danışıqlar siyasi direktorlar səviyyəsində keçiriləcək.

    "Avropa İttifaqı danışıqlara dəstək vermək üçün səylərini əsirgəmir. Biz dəyərli razılaşma əldə etmə imkanını əldən verə bilmərik", deyə Avropa İttifaqı diplomatiyasının rəhbəri Federika Moqerini bildirib.
    5
  • Bakıda beşmərtəbəli binada güclü yanğın olub
    28.02.2015 01:42
    http://www.topnews.az/images/logo.png
    http://www.topnews.az/images/logo.png
    Paytaxtın Xəzər rayonunda beşmərtəbəli yaşayış binasında yanğın baş verib. Modern.az xəbər verir ki, Fövqəladə Hallar Nazirliyinin xilasetmə qüvvələri təhlükəsizlik məqsədilə bina sakinlərini təxliyə ediblər.

    Binanın alkapondan olan divar üzlüyünü və dam örtüyünü əhatə edən yanğın söndürülüb, mənzillərə keçməsinə imkan verilməyib.

    APA-nın məlumatına görə, yanğın zaman 3 nəfər tüstüdən zəhərlənib. Onlara hadisə yerində ambulator qaydada tibbi yardım göstərilib.

    Baş vermiş yanğın təxminən 1400 kv. metr sahəni əhatə edib.

    Yanğının qarşısı alınarkən 1 yanğınsöndürən xəsarət alıb. Onun hündürlükdən yıxıldığı bildirilir.
    5
  • Vaqif oynadı, komandası хal itirdi
    28.02.2015 01:39
    http://anspress.com/images/photos/75760.jpg
    http://anspress.com/images/photos/75760.jpg
    Türkiyənin PTT 1-ci liqasında XXII tura start verilib.

    ANS PRESS-in məlumatına görə, turun açılış oyununda Vaqif Cavadovun çıхış etdiyi "Boluspor" "Bucaspor"u qəbul edib.

    Oyun meydan sahiblərinin 2:2 hesablı qələbəsi ilə yekunlaşıb.

    Vaqif Cavadov 86-cı dəqiqədə Kibonq Mbambanın yerinə meydana çıхıb.

    Qeyd edək ki, "Boluspor" 22 turdan sonra 28 хalla turnir cədvəlinin 9-cu pilləsində qərarlaşıb.
    4
  • FİFA-nın dünya çempionatı ilə bağlı- Qərarı
    28.02.2015 01:25
    http://deyerler.org/uploads/thumbs/GF1S3X7.jpg
    http://deyerler.org/uploads/thumbs/GF1S3X7.jpg
    2022-ci ildə Qətərdə təşkil olunacaq futbol üzrə dünya çempionatının qış aylarında keçirilməsi barədə qərar qəbul ediləcəyi təqdirdə futbol federasiyaları və klublara heç bir pul kompensasiyası verilməyəcək. Bu barədə məlumat verən FİFA-nın baş katibi Jerom Valke nəzərdə tutulan dəyişikliyə uyğunlaşmaq üçün 7 ilin kifayət edəcəyini vurğulayıb.

    "Qafqazinfo"nun məlumatına görə, AzərTac BBC telekanalına istinadla xəbər verir ki, bir qədər əvvəl aralarında Münhenin "Bayer" klubunun prezidenti Karl-Haynts Rummenigginin də olduğu bəzi futbol funksionerləri çempionatın təqviminin dəyişdirilməsi ilə əlaqədar mümkün ziyana görə FİFA-dan pul tələb edəcəklərini bildirmişdilər.

    Qeyd edək ki, işçi qrupu FİFA-ya Qətərdə yay fəslinin həddən artıq isti olmasını nəzərə alaraq futbol üzrə dünya çempionatını 2022-ci ilin noyabr-dekabr aylarında keçirməyi tövsiyə etmişdi.
    8
  • Leyla Əliyeva Xocalı soyqırımının 23-cü ildönümü ilə əlaqədar Moskva şəhərində keçirilən tədbirdə iştirak edib
    28.02.2015 01:06
    http://cdn.trend.az/pictures/2012/12/10/Leyla_Aliyeva_mainphoto_101012.jpg
    http://cdn.trend.az/pictures/2012/12/10/Leyla_Aliyeva_mainphoto_101012.jpg
    Azərbaycan, Bakı, 28 fevral /Trend/

    Heydər Əliyev Fondunun vitse-prezidenti Leyla Əliyevanın iştirakı ilə Rusiya Federasiyasının Moskva şəhərində Xocalı soyqırımının 23-cü ildönümü ilə əlaqədar anım tədbiri keçirilib. Tədbir "Xocalıya ədalət" beynəlxalq kampaniyası çərçivəsində Heydər Əliyev Fondu, Azərbaycan Respublikasının Rusiya Federasiyasındakı Səfirliyi, Rusiya Azərbaycan Gənclər Təşkilatı (AMOR) və Ümumrusiya Azərbaycan Konqresi tərəfindən təşkil edilib.

    Tədbirdə çıxış edən Leyla Əliyeva Ermənistanın Azərbaycana qarşı hərbi təcavüzü zamanı törədilmiş Xocalı soyqırımının təfərrüatları, baş verdiyi şərait və fəsadları barədə iştirakçıları məlumatlandırıb. Heydər Əliyev Fondunun vitse-prezidenti faciə qurbanlarının xatirəsini bir daha yad edərək bu hadisələrdən 23 il keçməsinə baxmayaraq onun yaddaşlarda daha da möhkəmləndiyini bildirib. Leyla Əliyeva Xocalı soyqırımına dünya ictimaiyyəti tərəfindən hüquqi və siyasi qiymətin verilməsinin vacibliyini vurğulayaraq son illər bu hadisələrin qlobal səviyyədə tanınması istiqamətində səylərin artmasını, o cümlədən bir çox dövlətlərin qanunverici orqanlarında Xocalı soyqırımı ilə bağlı qətnamələrin qəbul olunmasını təqdir etmişdir. Leyla Əliyeva, həmçinin iştirakçılara "Xocalıya ədalət" kampaniyası çərçivəsində həyata keçirilən tədbirlər barədə məlumat verib.

    Çıxış edən Azərbaycan Respublikasının Rusiya Federasiyasındakı səfiri Polad Bülbüloğlu Xocalı soyqırımının Ermənistanın Azərbaycana qarşı hərbi təcavüzünün ən faciəvi səhifəsini təşkil etməsi ilə yanaşı, onun yeganə hal olmadığını bildirib və diqqəti Ermənistanın işğalçılıq siyasətinin nəticələrinə, regionda sülh və təhlükəsizliyin təmin edilməsinə, eləcə də inkişafa mənfi təsirlərinə yönəldib.

    Tədbir zamanı Azərbaycan və Rusiyanın tanınmış musiqiçilərinin - Alim Qasımov, Fərqanə Qasımova, Fərhad Bədəlbəyli, Dimirti Yablonski və Rain Sultanovun ifasında Xocalıya həsr olunmuş muğam və etno-caz janrında musiqi parçaları səslənib, işğal altında olan ərazilərə və Xocalı soyqırımına aid videomateriallar təqdim edilib.

    Tədbirdə "Xocalıya ədalət" beynəlxalq kampaniyası çərçivəsində nəşr olunan yeni toplunun rus dilində buraxılışının təqdimatı da keçirilib. Topluya Leyla Əliyevanın video müraciətindən, Xocalı soyqırımı ilə bağlı sənədli filmdən ibarət 2 ədəd DVD, kitab, buklet, eləcə də Xocalıdakı hadisələrin fotoları, "Xocalıya ədalət" kampaniyasının yeni loqosu və promo məhsullarının olduğu fləş kart daxildir. Topluda eyni zamanda Xocalı soyqırımı ilə bağlı tərtib edilmiş elektron təqdimat (prezentasiya) da var. Bu təqdimatdan müxtəlif maarifləndirmə tədbirləri zamanı, xüsusən də xarici auditoriya üçün geniş istifadə edilməsi nəzərdə tutulub.

    Tədbir çərçivəsində Heydər Əliyev Fondunun vitse-prezidenti Leyla Əliyeva Xocalı soyqırımı nəticəsində hər iki valideynini itirmiş gənclərlə görüşüb, onların yaşadığı dəhşətli xatirələri dinləyib və kədərləri ilə bölüşüb. Daha sonra Azərbaycan və Rusiyalı uşaqların Xocalı soyqırımı ilə bağlı rəsmlərinin sərgisi ilə tanışlıq olub.
    9
  • Ukrayna 2-3 ay sonra vurulacaq
    28.02.2015 01:06
    http://anspress.com/images/photos/84820.jpg
    http://anspress.com/images/photos/84820.jpg
    Ukraynanın şərqində Rusiya meyilli separatçılar Mariupol şəhərini yaz aylarında ələ keçirəcək.

    ANS PRESS-in məlumatına görə, belə bir iddia ilə ABŞ Mərkəzi Kəşfiyya İdarəsinin direktoru Ceyms Klepper açıqlama verib.

    Onun sözlərinə görə, hazırda ölkənin şərqində gedən proseslər Mariupol separatçıların əlinə keçməsini qaçılmaz edir.

    Klepper bildirib ki, separatçılar bütün Ukraynanı ələ keçirmək niyyətində deyil, onlara sadəcə Luqansk və Donetsk vilayətləri lazımdır:

    "Lakin Mariupol istisna edilmir. Çünki şəhər strateji mövqedə yerləşir. Separatçılar yaz ayına qədər gözləyəcəklər, sonra isə irimiqyaslı hücumlara başlayacaqlar".
    3
  • 10 min manata möhtac qızlar
    28.02.2015 00:56
    http://anspress.com/images/photos/73874.jpg
    http://anspress.com/images/photos/73874.jpg
    Ölkədə son illərin doğulan oğlan uşaqlarının sayında müşahidə edilən artım artıq ciddi narahatlıq yaratmağa başlayıb. Bu məqsədlə ailədə doğulan ikinci qız uşağına görə, 10 min manat ödənilməsi təklifinin hökumətdə müzakirə olunması xəbəri yayılan kimi dərhal əks-səda doğurdu. Amma məsələ doğrudan ciddidir.

    ANS TV-nin məlumatına görə, ailədə ikinci qız dünyaya gəldikdə onun adına bankda 10 min manatlıq hesab açılacaq xəbəri ölkədə qız uşaqlarına olan münasibəti bir daha gündəmə gətirdi. Bundan əvvəl də açıqlanan statistk rəqəmlər bu haqda həyəcan təbili çalırdı. Ötən il dünyaya gələn uşaqların 53,6 faizi oğlan, 46,4 faizi qız olub. Bu statistika qızların elə ana bətnindəcə məhv edildiyinin, selektiv abortların əsasən uşaqların cinsi ucbatından baş verdiyini aşkar sübut edir. Dediklərimə qüvvət kimi abortların rəsmi statistikasını sadalaya bilmirəm. Çünki Azərbaycanda belə statistika ümumiyyətlə aparılmır. Amma istənilən bir orta məktəbdə birinci sinifə daxil olmaq yetər ki, qızların sayında kəskin azalmanın şahidi olaq.

    Bunun bizim yaralı yermizin oluduğunu deyən ibtidai sinif müəlliməsi Tamilla Mehdiyeva deyir ki, qızların sayı son 10 ildə çox azalıb: "Mənim sinfimdə 26 uşaq var, 7-si qızdır 19-u isə oğlan. Bütün siniflərdə belədir. Bir ara müharibə illərində biz oğlanların azlığından narahat idik. Amma indi qızlara görə bu narahatçılığı keçiririk".

    Demoqrafik tarazlığın pozulması yalnız məktəbdə problemlərə yol açmır.

    Ginekoloq Gülnarə Sultanqızı deyir ki, hamiləliyin 12 həftəliyində körpəsini cinsinə görə dünyaya gətirmək istəməyən ana üçün də abort olduqca təhlükəlidir.

    Azərbaycanda selektiv abort qanunla qadağan edilsə də, sirr deyil ki, müəyyən qadın məsləhətxanalarında, özəl klinikalarda bu prosedur aşkar şəkildə həyata keçirilir. Bəzən buna tibbi göstərişin olduğu əsas gətirilir. Amma tibbi göstərişlərlə sonlandırılan hamiləliklərin statistikası da selektiv abortdan xəbər verir.

    2014-cü ildə 28000 belə abort olunub ki, onlardan yalnız 8 mini - mini abort hesab edilir. Yəni yerdə qalan 20 min abort uşağın cinsinin bəlli olduğu 3-cü aydan sonra edilib. Bu faktı bizə təsdiqləyən Ailə, Qadın və Uşaq Problemləri üzrə Dövlət Komitəsinin şöbəsi məsləhətçisi Aynur Veysəlova problemin həllinin maarifləndirmə ilə əlaqəli olduğunu deyir:

    "Sözsüz ki, bunu tək qadınlarla aparmaq birtərəfli nəticə verir. Maarifləndirməni həm qadınlarla, həm kişilərlə, həm də ali təhsil müəssisələrində aparmaq lazımdır".

    Araşdırmalar göstərir ki, hazırda dünyada hər 5 hamiləlikdən biri abortla yekunlaşır. Dünyada hər il 55 milyon körpə günəşi görmədən ana bətnində qətlə yetirilir.

    Abortların 40%-i valideynlərin arzusu ilə, 25%-i həyat səviyyəsinə görə, 23%-i sosial, 12%-i isə tibbi göstəricilərə görə baş verir. Azərbaycanda isə abortların üçdə ikisinin səbəbi dölün qız olması ilə bağlıdır. Görünən odur ki, bu vəziyyətin qarşısı təcili alınmasa, gələcəkdə cəmiyyətdə yaranacaq problemləri 10 min manat hesabına da həll etmək mümkün olmayacaq.
    8
  • Qara çayın bu faydası heç ağlınıza gəlməzdi
    28.02.2015 00:39
    http://img.milli.az/n/clickable/204433/0a/2/327026.jpg
    http://img.milli.az/n/clickable/204433/0a/2/327026.jpg
    Qara çay təkcə hamının sevdiyi içki deyil. Həm də bir çox dərdin dərmanıdır.

    Milli.Az Rusiya KİV-ə istinadən xəbər verir ki, yaponiyalı alimlər çayın yeni faydalarını üzə çıxarıblar. Onlar iddia edirlər ki, mütəmadi olaraq çay içmək insanın fiziki sağlamlığına müsbət təsir göstərir və sümükləri möhkəmləndirir. Çayın tərkibində olan polifenol maddəsi sümüyün zəifliyi zamanı yardımçı olur.

    Yaponiyalı alimlərin tədqiqatı prosesinda sümük zəifliyi olan siçanların damarlarına polifenol qarışığı olan maddə vurublar. Bir neçə gündən sonra siçanların sümükləri bərkiyib. Toxumaya zərər vuran osteklast adlanan hüceyrələr azalıb. Qeyd etmək lazımdır ki, tədqiqat zamanı siçanlara 20 fincan çayda olan polifenol dozası vurulub.

    Osaka universitetinin alimi Keydzo Nisikava deyir ki, tərkibində polifenol olan qida əlavələrinin qəbulu da osteoporoz kimi xəstəliklərin qarşısını alır.

    Yaponiyanın Səhiyyə Nazirliyinin məlumatına görə, gündoğar ölkənin on milyon sakini sümük sistemində müxtəlif xəstəliklərdən əziyyət çəkirlər.

    12
  • Obama Əfqanıstan prezidentini qəbul edəcək
    28.02.2015 00:22
    http://az.apa.az//upload/images/news/2015/february/28/small/52662a2329de20bf1a2bb0965c5cb5eb.jpg
    http://az.apa.az//upload/images/news/2015/february/28/small/52662a2329de20bf1a2bb0965c5cb5eb.jpg
    Bakı-APA. Martın 24-də ABŞ prezidenti Barak Obama Ağ Evdə Əfqanıstan prezidenti Əşrəf Qəni Əhmədzayı qəbul edəcək.

    APA-nın Reuters agentliyinə istinadən məlumatına görə, bu barədə ABŞ prezidentinin rəsmi nümayəndəsi Coş Ernest bildirib.

    "Həmçinin prezident Obamanın Əfqanıstanın baş naziri Abdulla Abdulla və digər hökumət üzvləri ilə də görüşü nəzərdə tutulub", deyə C.Ernest bildirib.

    Onun sözlərinə görə, danışıqlarda Əfqanıstan və regiondakı vəziyyət müzakirə ediləcək.
    8
  • "Zaryadkaya" ehtiyacı olmayan telefon
    28.02.2015 00:16
    http://anspress.com/images/photos/84807.jpg
    http://anspress.com/images/photos/84807.jpg
    Yaponiya şirkəti "Kyocera" enerji doldurmağa ehtoyacı olamayan smartfonu təqdim etməyə hazırlaşır.

    ANS PRESS-in məlumatına görə, telefon günəş işığının enerjisini udaraq akkumulyatoru dolduracaq.

    "Kyocera" smartfonlarının artıq bu cür mövcud olan modeli var. Yeni model əhəmiyyətli dərəcədə müasirləşdiriləcək. Ekranı bağlayan qoruyucu şüşənin altında günəş batareyasını təşkil edən xüsusi işığa həssas qat yerləşdirilib.

    Ekranın səthinə düşən işıq şüaları düz akkumulyatora düşüb elektrik enerjisinə çevrilir. Günəş işığını udan qat şəffafdır - 90 faizə qədər şüa onun arasından keçir.

    Yeni model haqda yaxın günlərdə ətraflı məlumat veriləcək.
    8
  • Zəlimxan Yaqub ANS-ə danışdı
    28.02.2015 00:16
    http://anspress.com/images/photos/6809.jpg
    http://anspress.com/images/photos/6809.jpg
    Uzun müddətdir çox gec-gec görünən Zəlimxan Yaqubla görüş oldu. Fürsətdən istifadə edən əməkdaşımız şairin səhhətilə maraqlanıb. Zəlimxan Yaqubun bu müsahibəsində xəstəliklə mübarizə apardığı son illərdə dünyaya baxışının və ovqatının dəyişdiyini müşahidə etmək olar.

    Zəlimxan Yaqubla ad günü ərəfəsində görüşmək istəyirdik. Hardasa bir ay əvval. Amma telefonunu həmin gün açmadı. Bəlkə də ona görə ki, yanvarın 21-də millətin hələ 20 Yanvar faciəsindən sıyrılıb çıxa bilmədiyi günlərdə ad günü mövzusu ilə gündəmə gəlmək istəmirdi. Hər halda, bu gün Mədəniyyət və İncəsənət Universitetinin aşıq yaradıcılığı kafedrasının təşkil etdiyi görüş bizə 65 yaşın gecikmiş təbrikini şairə ünvanlamaq fürsəti verdi. Səhəhtilə bağlı hal-əhval tutmuq imkanını da həmçinin.

    Şair Zəlimxan Yaqub: "Həm buradakı, həm də oradakı həkimlərdən çox razıyam. Səhətimlə əlaqədar əllərindən gələni əsirgəmirlər. Bütün bunlara baxmayaraq həkimlər böyrəyin köçürülməyəcəyini deyir. Səbəb kimi orqanizmdə ciddi problemin olmaısıdr".

    Bir böyrəyi ilə Türkiyədə, o biri böyrəyi ilə Almaniyada vidalaşan şair indi tam böyrəksiz yaşayır. Həftədə üç dəfə dializ alır.

    Bütün ağrıların dadını bildim

    Bütün dərmanların adını bildim

    Bütün insanları süzdüm, ələdim...

    Ay Zəlimxan, diş tökülər, üz batar

    Qurduğunu bir-bir sökən dünyadı.

    Dünyanın cəfasını çox gördünüz, yoxsa səfasını?

    "Səfasını da görmüşəm, cəfasını da… Bunlar hamısı həyatdı və Allahın göndərdiyi hər şeyi şərəflə qəbul etmək lazımdır".

    Onu 50 yaşının kadrlarına nisgillə baxan gördüm. 15 ildə sanki bir 50 il də yaşayıb Zəlimxan Yaqub. Bunu özü qədər dostları da bilir.

    Sənət dostu Ağalar Bayramov: "Zəlimxanın ürəyi bir saraydı... Allah ona şəfa versin".

    Tək Amin demirik, həm də şairin öz təbirincə, ölməyə tələsmə, qalmağa tələs deyirik Zəlimxan Yaqub.
    7
  • Neftin qiymətində ilin rekordu- 62,6 dollar
    28.02.2015 00:02
    http://arxiv.az/media/365/1000/qafqazinfo.az/20150227/40435039/89103.jpg
    http://arxiv.az/media/365/1000/qafqazinfo.az/20150227/40435039/89103.jpg
    Dünya bazarında neftin qiyməti artan sürətlə gedir.

    "Qafqazinfo" RBK-yə istinadən xəbər verir ki, günün sonuna qədər neftin qiyməti 0,7% artıb. Brent markalı neft 62,6 dollara satılıb. 

    Bu, il ərzində Brent markalı neftin rekord qiymət həddi kimi dəyərləndirilir. 

    WTI markalı neft isə 0,2% ucuzlaşıb. Belə ki, WTI neftinin qiyməti 50,61 dollarda qərarlaşıb. 
    9
  • Qarabağın itirilməsinin açarı
    28.02.2015 00:00
    http://arxiv.az/media/365/1000/anspress.com/20150227/40553647/82427.jpg
    http://arxiv.az/media/365/1000/anspress.com/20150227/40553647/82427.jpg
    Bu gün Azərbaycan tarixinə Sumqayıt hadisələri kimi düşmüş bir qanlı aksiyanın növbəti ildönümüdür. Qarabağ müharibəsinin alovlanmasına, ədavətin daha da artmasına səbəb olmuş bu hadisənin arxasında maraqlı qüvvələrin dayanması heç vaxt şübhə doğurmayıb. Maraqlı olan isə bu təxribatın təşkilatçıları hələ də məsuliyyətə cəlb edilməyib.

    Sumqayıt hadisələri 26 erməni, 6 azərbaycanlının öldürüldüyü, 400-dən artıq insanın xəsarət aldığı böyük bir qanlı hadisədir. Amma uzun illər bu haqda susmağı üstün tutmuşuq, ən yaxşı halda isə malalamağa çalışmışıq. Sanki, bu məsələlərdə günahkarmışıq kimi.

    Hərçənd, bizi bu məsələdə haqlı çıxaracaq iki vacib məqam var. Birincisi Sumqayıt hadisələrinin dünyada doğurduğu rezonans idi ki, hələ də bu sualın cavabı o vaxtdan açıq qalır. Necə olur ki, texnologiyaların zəif inkişaf etdiyi 1988-ci ildə, nəyinki sovet, hətta dünya mətbuatı Sumqayıt hadisələri barədə məlumatları və fotoları dərhal dərc etməyə başladılar.

    "Bakıda hadisənin necə baş verdiyini yerli məmurlar araşdırmamış bütün dünya ictimaiyyəti bunu bildi. Həmin dövr bütün dünya mətbuatına car çəkən erməni millətçiləri bəyan etdilər ki, Sumqayıtda mindən artıq adam ölüb. Ermənilər bütün dünyaya bu şounu yeritdilər", - deyə Sumqayıt hadisələrilə bağlı dövlət ittihamçısı Aslan İsmayılov bildirdi.

    İkincisi, hadisələrin episentrində dayanan Qriqoryandır ki, bu faktla biz dünyaya çox şeyi sübut, özümüzün isə haqlı olduğumuzu təqdim edə bilərik. Biz isə Sumqayıt hadisələrini heç Azərbaycanın özündə düz-əməlli təqdim edə bilmirik.

    Bəs, biz bu faktdan niyə istifadə etmirik. Yaxud, etmək istəmirik? Əslində Sumqayıt hadisələri ilə bağlı cinayət işi prezident İlham Əliyevin göstərişi ilə 2010-cu ildən yenilənib. İstintaqın hədəfi isə təxribatın təşkilatçılarını müəyyənləşdirməkdir.

    Həmin istintaq əməliyyat qrupu isə ciddi nəyəsə nail olmayıb. Belə getsə nəyəsə nail olacağımız da sual altındadır. Amma cavabı əslində heç kimdə sual doğurmayan bir həqiqətdə də var. Sumqayıt hadisələri Qarabağın itirilməsində açar rolunu oynadı. Bunu düşünən başlar hələ də azadlıqdadır. Qarabağımız isə 20 ildən artıqdır ki, əsarətdə.

    Mənbə

    ANS TV: Ləman Əliəşrəfqızı
    6
  • "Qara pantera" jurnalistə belə hücum etdi
    28.02.2015 00:00
    http://anspress.com/images/photos/61760.jpg
    http://anspress.com/images/photos/61760.jpg
    Məşhur model Naomi Kempbell yenidən öz aqressiv xarakterini göstərib.

    ANS PRESS-in məlumatına görə, maneken bu dəfə Kubanın paytaxtı Havanada NBC News teleoperatoruna hücum edib.

    ABŞ telekanallarından birinin əməkdaşının çəkməyə vaxt tapdığı kadrlardan görünür ki, Kempbellin mühafizənin müşayiəti ilə mehmanxanadan necə çıxır.

    Paparassini görən "Qara pantera" dəbdə olan şlyapayla üzünü bağlayıb və sonra birdən jurnalistə hücum edir. Öz hücümünü ədəbsiz sözlərlə edən Britaniyalı model az qala bahalı kameranı sındırmışdı.

    Bir neçə saat sonra Naomi Kempbell telekanaldan böyük anlaşılmazlığa görə bağışlanmasını xahiş edib. Görünür ki, maneken daha məhkəmə xronikalarının qəhrəmanı olmaq istəmir və polisə hücum üçün ona verilən iki yüz saatlıq islahedici iş cəzası dərs olub.
    8
  • Bakıda yanğın: yaralılar var
    27.02.2015 23:52
    http://anspress.com/images/photos/70989.jpg
    http://anspress.com/images/photos/70989.jpg
    Bakıda güclü yanğın hadisəsi baş verib.

    ANS PRESS-in hadisə yerində olan əməkdaşının veridiyi məlumata görə, Xəzər rayonunda beşmərtəbəli, 6 bloklu yaşayış binasının alkapondan ibarət divar üzlüyü və dam örtüyü yanıb.

    Yanğına səbəb binanın işıqlandırılması üçün quraşdırılan işıqlandırma sistemində yaranan nasazlıq göstərilir.

    Yanğın nəticəsində zərərçəkənlər var. 6 nəfər tüstüdən zəhərlənib.

    Yanğının qarşısı hadisə yerinə gələn yanğınsönənlər tərəfindən alınıb.
    12
  • YouTube Google-a gəlir gətirmir?
    27.02.2015 23:52
    http://arxiv.az/media/365/1000/news.milli.az/20150227/40497982/326964.jpg
    http://arxiv.az/media/365/1000/news.milli.az/20150227/40497982/326964.jpg
    The Wall Street Journal qəzeti YouTube videohostinqinin fəaliyyəti haqda maliyyə informasiyası əldə edib. Məlum olub ki, bu videohostinq əvvəlki kimi Google şirkətinə gəlir qazandırmır.

    Nəşr yazır ki, 2014-cü ildə YouTube videohostinqi 4 milyard dollar qazanıb, halbuki bir il əvvəl bu göstərici 3 milyard dollar təşkil edib. Bu halda xidmət hələ maya dəyərini çıxarmaq ərəfəsindədir.

    Milli.Az ICTnews-a istinadən bildirir ki, YouTubeun gəlir yoxluğu onunla izah olunur ki, bir çox istifadəçilər nadir hallarda videoxidmətin saytına daxil olur və kənar səhifələrdə pleyerlər vasitəsilə çarxları izləyirlər. Bundan başqa, Facebook və Twitter kimi internet şirkətləri tərəfindən rəqabət var.

    YouTube-un auditoriyası 1 milyard istifadəçini ötür, aylıq 6 milyard saatlıq video izlənilir və dəqiqədə 100 saatlıq videoməzmun yüklənilir.

    Xatırladaq ki, 10 il bundan əvvəl PayPal ödəmə sisteminin 3 köhnə əməkdaşı - Çad Xarli, Stiven Çen və Caved Kərim YouTube.com domen adını qeydiyyatdan keçirib.
    6
  • Bakıda beşmərtəbəli bina belə yandı
    27.02.2015 23:52
    http://www.azxeber.com/files/8BLge82WI3p1.jpg
    http://www.azxeber.com/files/8BLge82WI3p1.jpg
    Bakıda beşmərtəbəli bina yanır.AZXEBER.COM-un Fövqəladə Hallar Nazirliyinin saytına istinadən məlumatına görə, Bakı şəhəri, Xəzər rayonunda beşmərtəbəli yaşayış binasının alkapondan ibarət divar üzlüyü və dam örtüyü yanır.

    Hal-hazırda hadisə yerində yanğınsöndürmə işləri davam edir.

    AZXEBER.COM hadisə yerindən çəkilən videonu təqdim edir:

    (function(d, s, id) { var js, fjs = d.getElementsByTagName(s)[0]; if (d.getElementById(id)) return; js = d.createElement(s); js.id = id; js.src = "//connect.facebook.net/tr_TR/all.js#xfbml=1"; fjs.parentNode.insertBefore(js, fjs);}(document, 'script', 'facebook-jssdk'));
    9
  • "İŞİD" silahlıları Mosulda beynəlxalq hava limanında partlayışlar törədiblər
    27.02.2015 23:48
    http://www.topnews.az/images/logo.png
    http://www.topnews.az/images/logo.png
    Bakı-APA. "İŞİD" terror təşkilatının silahlıları İraqın ikinci ən iri şəhəri Mosulda beynəlxalq hava limanında partlayışlar törədiblər.

    APA-nın RİA Novosti agentliyinə istinadən verdiyi xəbərə görə, hava limanına  külli miqdarda ziyan dəyib.

    2008-ci ildə ABŞ qoşunları Hərbi Hava Qüvvələrinin əsas bazası qismində beş il istifadə etdikləri hava limanının İraq hökumətinə təhvil vermişdilər.

    Qeyd edək ki, paytaxt Bağdaddan 400 km şimal-qərbə yerləşən Mosul ötən ilin yayından "İŞİD"-in nəzarəti altındadır.
    8
  • Dünyanın ən varlı adamının meyidi tualetdən tapıldı
    27.02.2015 23:35
    http://www.topnews.az/images/logo.png
    http://www.topnews.az/images/logo.png
    Dünyanın ən varlı iş adamlarından biri ölüb.

    Gün.Az ANS PRESS-ə istinadən xəbər verir ki, Komana Kostelin cəsədi təyyarənin ayaqyolundan tapılıb. Meyit Kolumbiyadan Kosta-Rikaya gedən sərnişin təyyarəsində aşkarlanıb.

    Cəsəd təyyarə eniş edəndən sonra tapılıb. Araşdırmadan sonra onun 53 yaşlı iş adamına məxsus olduğu təsdiqlənib.

    Komana ilə səyahət edən qadın bidirib ki, iş adamı uçuş boyu çox stresli olub və dəfələrlə tualetə gedib.

    Dəmiryolu şirkəti "Reiotrans"ın sahibi tualetdə ayaqqabısının bağı ilə intihar edib.

    Kostel dünyanın ən varlı insanlarından biri olub. Rumıniya əsilli iş adamı "Forbes"un hazırladığı "dünyanın ən varlı insanları" siyahısındakı 500 adamın arasında olanlardan biri idi.

    18
DİGƏR XƏBƏRLƏR...
Mərkəzi Bankın Valyuta Məzənnələri